Zëvendëskryeministri dhe ministri i Punëve të Jashtme të Kosovës, Behgjet Pacolli, ka thënë se Kosova është gati për t’u bërë pjesë e OKB-së me rolin e saj konstruktiv në rajon prej 20 vjetësh që ka fituar lirinë e saj.

Këtë deklaratë Pacolli e ka dhëne  para pjesëmarrësve të nivelit të lartë të Forumit të Cransmontanës në Zvicër, forum që prej 30 vjetësh është shndërruar në institucion dialogu real.

Postimi i plotë:

“Kosova është gati për t’u bërë pjesë e OKB-së me rolin e saj konstruktiv në rajon prej 20 vjetësh që ka fituar lirinë e saj. Nga ky forum i respektuar i drejtohem miqve tanë spanjollë: Kosova nuk ka lidhje me Katalonjën, sepse ne kemi dalë nga një periudhë e gjatë represioni kolonial, i cili kulmoi me genocid në vitin 1999”- kështu ju drejtova pjesëmarrësve të nivelit të lartë të Forumit të Cransmontanës në Zvicër, forum që prej 30 vjetësh është shndërruar në institucion dialogu real.

Gjatë fjalimit e njoha audiencën me të arriturat e vendit tonë nga shpallja e pavarësisë, njohur ndërkombëtarisht nga 116 shtete, ashtu dhe nga Gjykata Ndërkombëtare e Drejtësisë. Ftova miqtë afrikanë që ende nuk e kanë bërë- të njohin Kosovën dhe të vendosin me ne marrëdhënie bashkëpunimi në të gjitha fushat, madje dhe në atë universitare.

Forumi i Cransmontanës, këtë vit me inisiativën tonë do të zhvillohet në Prishtinë, duke e shndërruar Kosovën në një adresë globale të paqes dhe dialogut mes akterëve të ndryshëm shtetërorë apo socialë anembanë botës.